ភ្នំពេញ ៖ ដោយសារតែជីវភាពក្រីក្រ ខ្លាំងពេក បានបង្ខំឱ្យពីរនាក់ប្ដី-ប្រពន្ធដាច់ ចិត្ដយកកូនស្រី លក់ព្រហ្មចារីយ៍ឱ្យអ្នកមាន លុយតម្លៃ ២៥០០ដុល្លារ យកទៅរកស៊ី ឬ ក៏ចិញ្ចឹមជីវភាពគ្រួសារ ឱ្យមានភាពល្អ ប្រសើរឡើងវិញ ។ ប៉ុន្ដែទង្វើបែបនេះត្រូវ បានកម្លាំងនគរបាល ការិយាល័យប្រឆាំង ការជួញដូរមនុស្ស និងការពារអនីតិជនរាជ ធានីភ្នំពេញ បង្ក្រាបបាន និងចាប់ខ្លួនស្ដ្រី ជនជាតិវៀតណាមម្នាក់ ដែលនាំក្មេងស្រី ទៅលក់ព្រហ្មចារីយ៍ ។ នាយការិយាល័យ ប្រឆាំងការជួញដូរ មនុស្ស និងការពារអនីតិជន រាជធានីភ្នំពេញ លោក កែវ ធា បានថ្លែងឱ្យដឹងថា ស្ដ្រីជន ជាតិវៀតណាមម្នាក់ ត្រូវបានចាប់ខ្លួនកាល ពីរសៀលថ្ងៃទី២៥ ខែឧសភា ឆ្នាំ២០១៤ កន្លងទៅ ខណៈដែលស្ដ្រី រូបនេះកំពុងនាំ ក្មេងស្រីយកទៅ លក់ព្រហ្មចារីយ៍ តម្លៃ ២៥០០ដុល្លារ បន្ទាប់ពីឪពុក-ម្ដាយរបស់ នាង បានប្រើឱ្យធ្វើសកម្មភាពបែបនេះ ។ ការឃាត់ខ្លួនស្ដ្រីមេខ្យល់ឈ្មោះ កៅ ធី ហៀង ហៅ ស្រីកែវ អាយុ ៤២ឆ្នាំ ជនជាតិ វៀតណាម ស្នាក់នៅផ្ទះជួល សង្កាត់ព្រែក ប្រា ខណ្ឌមានជ័យ មុខរបរ ជាអ្នកលក់ កាហ្វេបានធ្វើឡើង នៅមុខសណ្ឋាគារឡាក់គី ស្ដារ ផ្លូវលេខ ៣៣៦ សង្កាត់ផ្សារដើមគ ខណ្ឌទួលគោក ។ លោក កែវ ធា បានបញ្ជាក់ថា ក្មេងស្រី រងគ្រោះ ឈ្មោះ ស.ស.ព អាយុ ១៦ឆ្នាំ ជន ជាតិខ្មែរ បច្ចុប្បន្នស្នាក់នៅខណ្ឌមានជ័យ មុខរបរ ជាកម្មការិនី រោងចក្រត្រូវបានឪពុក ម្ដាយរបស់នាង លក់ព្រហ្មចារីយ៍តម្លៃ ២៥០០ដុល្លារ ទៅឱ្យអ្នកមានលុយ ដោយសារតែ ជីវភាពក្រីក្រខ្លាំងពេក ។ ក្រោយពីទទួល បានព័ត៌មានខាងលើនេះ ការិយាល័យជំនាញ បានសុំគោលការណ៍ណែនាំ ពីលោកស្នងការ និងស្នងការរង ព្រមទាំងមានការឯកភាព ពីតំណាងអយ្យការលោក មាស ច័ន្ទពិសិដ្ឋ ផងនោះ បានចុះទៅសហការជាមួយកម្លាំង សមត្ថកិច្ចមូលដ្ឋាន ឃាត់ខ្លួនស្ដ្រីជនជាតិ វៀតណាមរូបនេះនៅតាមផ្លូវ ។ ក្រោយ ការសួរនាំស្ដ្រីមេខ្យល់ខាងលើ ត្រូវបានបញ្ជូន ទៅកាន់តុលាការ រីឯក្មេងស្រីរងគ្រោះ អនុញ្ញាតឱ្យត្រឡប់ទៅផ្ទះវិញ ខណៈដែលស្ដ្រី ជាម្ដាយ បានរត់គេចខ្លួនបាត់ ៕

សេតវិមាន​របស់​អាមេរិក បាន​បង្ហាញ​ពី​បញ្ជី​​ប្រាក់​​បៀវត្សរ៍​​​​ប្រចាំ​ឆ្នាំ​របស់​បុគ្គលិក​ខ្លួន ជា​សាធារណៈ​ហើយ បន្ទាប់​ពី​មាន​ការ​ទាមទារ​ឲ្យ​បង្ហាញ​ចាប់​តាំង​ពី​ឆ្នាំ១៩៩៥ ដើម្បី​ជូន​ដំណឹង​ទៅ​ដល់​សភា​អំពី​​ប្រាក់​​បៀវត្សរ៍​​របស់​បុគ្គលិក​ក្នុង​សេតវិមាន។ ​ប្រាក់​​បៀវត្សរ៍​​ប្រចាំ​ឆ្នាំ​របស់ លោក បារ៉ាក់ អូបាម៉ា ប្រធានាធិបតី​អាមេរិក គឺ​​ ៤០ ម៉ឺន​ដុល្លារ​​។ នៅ​ក្នុង​ទី​ក្រុង​វ៉ាស៊ីងតោន ថ្លៃ​ចំណាយ​ក្នុង​ការ​រស់​នៅ ​គឺ​មាន​តម្លៃ​ខ្ពស់​ជាង បណ្តា​រដ្ឋ​ផ្សេងៗ​នៅ​សហរដ្ឋ​អាមេរិក ពោល​គឺ គិត​ជា​មធ្យម​ខ្ពស់​ជាង ២២​ ភាគរយ។ យ៉ាងណាក៏ដោយ​ប្រាក់ចំណូល​ប្រចាំឆ្នាំ​របស់​ប្រជាជន ក៏​ខ្ពស់​ជាង​ប្រាក់​ចំណូល​របស់​អ្នក​រស់​នៅ​តាម​បណ្តា​រដ្ឋ​ផ្សេងៗ​ផង​ដែរ ពោល​គឺ អ្នក​រស់​នៅ​ក្នុង​ទី​ក្រុង​វ៉ាស៊ីងតោន មាន​ចំណូល​ប្រចាំឆ្នាំ ប្រហែល ៤៥ ០០០​ដុល្លារ​ ចំណែក​នៅ តាម​បណ្តា​រដ្ឋ​ផ្សេងៗ គឺ​ប្រាក់​ចំណូល​ប្រចាំ​ឆ្នាំ ប្រហែល ២៨ ០០០ដុល្លារ​ប៉ុណ្ណោះ។ បើ​តាម​បញ្ជី​ប្រាក់​​បៀវត្សរ៍​​​​ប្រាក់​​បៀវត្សរ៍​​​របស់​សេតវិមាន​បង្ហាញ​ថា បុគ្គលិក​សេតវិមាន​សរុប​មាន​ចំនួន ៤៥៧​នាក់។ ​​ក្នុង​ចំណោម​បុគ្គលិក​ទាំង​អស់នេះ តំណែង​ដែល​ទទួល​បាន​ប្រាក់​ខែ​ខ្ពស់​ជាង​គេនោះ មាន៖ ១) តំណែង​ជំនួយការ​ប្រធានាធិបតី៖ ប្រាក់​​បៀវត្សរ៍​ប្រចាំ​ឆ្នាំ​​គឺ​ ១៧២​ ២០០ដុល្លារ​​អាមេរិក។ បុគ្គលិក​ក្នុង​តំណែង​នេះ ជា​ទូទៅ​មាន​តំណែង​មួយ​ផ្សេង​ទៀត ប៉ុន្តែ​ប្រាក់​​បៀវត្សរ៍​​​គឺ​នៅ​ដដែល។ ២) ជំនួយ​ការ​រង​ប្រធានាធិបតី៖ ​មាន​ប្រាក់​​បៀវត្សរ៍​​​​ប្រចាំ​ឆ្នាំ​សរុប ១៥៨​ ៥០០ ដុល្លារ​អាមេរិក។ ៣) មន្ត្រី​ការិយាល័យ​ធ្វើដំណើរ៖ បុគ្គលិក​ក្នុង​តំណែង​នេះ ទទួល​​ប្រាក់​ខែ​ប្រចាំឆ្នាំ ៧៥ ៥០០ ​ដុល្លារ​អាមេរិក។ សូម​បញ្ជាក់​ថា អ្នក​ធ្វើការ​ក្នុង​តួ​នាទី​នេះ មាន​ការងារ​យ៉ាង​សំខាន់ ក្នុង​ការ​រៀប​ចំ​រាល់​ការ​ធ្វើ​ដំណើរ​ផ្សេងៗ​របស់​ប្រធានាធិបតី និង បុគ្គលិក​ក្នុង​សេតវិមាន​ទាំង​អស់ ដូចជា ការ​រៀប​ចំ​ជើង​ហោះ​ហើយ និង ការ​កក់​សណ្ឋាគារ ជាដើម។ ៤) លេខាធិការ ព័ត៌មាន៖ អ្នក​ធ្វើការ​ក្នុង​តំណែង​នេះ គឺ​មាន​​ប្រាក់​​បៀវត្សរ៍​​​​ប្រចាំ​ឆ្នាំ​សរុប ៧០​៧០០ ដុល្លា​អាមេរិក។ ៥) មន្ត្រី​ព័ត៌មាន៖ មាន​ប្រាក់​​បៀវត្សរ៍​​​​ប្រចាំ​ឆ្នាំ​សរុប ៤២​ ៤២០ ដុល្លារ។ បុគ្គលិក​ផ្នែក​នេះ មាន​តួនាទី​ទទួល​ខុស និង រៀបចំ​ព័ត៌មាន​ផ្សេងៗ​ក្នុង​សេតវិមាន។ មន្ត្រី​សេតវិមាន​របស់​អាមេរិក បញ្ជាក់​ថា រដ្ឋាភិបាល​របស់​លោក អូបាម៉ា គ្រោង​តំឡើង​ប្រាក់ខែ ដល់​បុគ្គលិក​សេតវិមាន​ទាំង​ឡាយ​ណា ដែល​មាន​ប្រាក់​​បៀវត្សរ៍​​​​ប្រចាំ​ឆ្នាំ​ក្រោម ១០ម៉ឺនដុល្លារ​។ សូម​បញ្ជាក់​ថា ចាប់តាំងពី លោក អូបាម៉ា ឡើង​កាន់​តំណែង​ជា​ប្រធានាធិបតី​មក បុគ្គលិក​ក្នុង​សេតវិមាន​ទាំងអស់ មិន​ទាន់​ទទួល​បាន​ការ​តំឡើង​ប្រាក់ខែ​ទេ ហើយ​ក្នុង​ករណី​ដែល​មាន​វិបត្តិ​សេដ្ឋកិច្ច​ផ្សេងៗ ប្រាក់ខែ​របស់​បុគ្គលិក​ទាំងនោះ ក៏​ទទួល​ផល​ប៉ះពាល់​ផង​ដែរ៕​